1Q84與Janacek

大家應該都知道1Q84炒熱左Janacek首sinfonietta 甘....無睇過1Q84既音樂朋友 你哋有冇好奇本書同Janacek 首野有咩關係呢? 🙄

由於本人就啱啱睇灑三集 咁樣就諗住講下 有興趣可繼續睇...

1Q84 基本上係一個愛情故事 （不過本書好睇不在於個愛情故事） 男主角叫天吾，女主角叫青豆 成本書係以第一人稱分開甘寫佢地 一個chapter 青豆 一個chapter 天吾 直至第三本最後兩個chapters 佢地先見到面

甘呢...... Janacek sinfonietta 其實係呢兩個主角既共同點 本書嘅第一頁就已經提到呢首歌啦

話說青豆坐緊一架的士（去進行殺人任務🤤） 的士上面就係播住Janacek sinfonietta

而青豆唔知點解會認得呢首歌 仲講得出係Janacek 😐 Janacek不竟係一個不太出名既捷克作曲家呀😐

「一聽到Janacek的小交響曲開頭部份 就能說出這是Janacek的小交響曲的人 世間到底有幾多個 可能介於 非常少 和 幾乎沒有 的中間 但青豆不知道為什麼竟然可以」

其實的士呢段我幾鍾意🤧 因為個的士司機講d野好玄妙

e.g.「事情跟表面看到的不一樣 所謂的現實經常只有一個」

之後青豆就好鍾意首piece 仲買左隻CD返屋企 成首piece大約半個鐘 比佢做拉筋運動聽就岩岩好😀

甘呢首樂曲同天吾有咩關係？

話說天吾係天才兒童 高中時比老師暫時拉夫 去左樂團打timpani 比賽自選歌 老師挑戰難度地......就係揀左 Janacek sinfonietta 開頭Timpani 個段好似話幾難 天才ma 無學過都打得到😐 老師讚不絕口Ga😐

其實首樂曲同1Q84 既關係就係甘多 本書重點當然唔會係janacek😐

個故事其實真係好好睇 有好多好正既伏筆 但係因為佢自稱係文學書 甘樣佢就可以好不負責任甘樣 咩都唔解釋就完😐